Keppnisfyrirkomulag:

Sunnudaginn 10. nóvember 2002 milli kl: 10:00  og 12:30 fá keppendur að prófa keppnisbrautina tvisvar hvert lið á vettvangi. Þar verða þeim til aðstoðar nemendur úr verkfræðideild Háskóla Íslands.  

Keppnin hefst síðan kl: 13:00 og verður í Sal 1 í  Háskólabíó.   

Æfingar fara einnig fram í Sal 1 í  Háskólabíó.

 Keppnin fer þannig fram að hvert lið fær 7 mínútur til þess að reyna sig við brautina og fá liðin að keyra tvær umferðir, betri umferðin gildir til stigaútreiknings.

 Eitt stig fæst fyrir hvert neðantalinna verkefna.

• -         Tækið kemst upp á beina kafla brautarinnar.

• -         Tækið tekur boltann með sér.

• -         Tækið kemst upp á hábungu hólsins.

• -         Tækið kemst niður hólinn og er áfram á brautinni.

• -         Tækið kemst gegnum hliðið.

• -         Tækið skilar boltanum ofan í holuna í lok brautar.

• -         Framendi tækis stöðvar á endasvæðinu.

Ef mörg lið verða jöfn að stigum ræður besti tíminn.

Refsingar Ef keppnislið snertir ökutækið meðan á keyrslu stendur verður dregið 1 stig af viðkomandi liði fyrir hverja snertingu.

Keppnisflokkar

Keppt veður í tveimur flokkum

• Miðstigsnemendur úr 5b. til og með 7b. grunnskóla.

• Unglingastigsnemendur úr 8b. til og með 10b. grunnskóla.

Keppnislið í hverju liði mega vera að hámarki 4 keppendur á grunnskólaaldri. Meðlimir hvers keppnisliðs verða að vera nemendur í sama skóla og er æskilegt að keppnislið samanstandi bæði af stúlkum og drengjum.

Keppnisliðin munu fá búnað afhentan þann 22.10.2002   og mega liðin æfa sig á notkun hugbúnaðar og smíði farartækis fram að keppnishelgi.

Keppnisstjórn er skipuð fjórum nemendum úr Verkfræðideild HÍ 

Keppnisstjórn skipa:

• Eggert Þröstur Þórarinsson, eggertt@hi.is
  Sigurún Nanna Karlsdóttir, snk@hi.is
  Einar Örn Jónsson, einarjo@hi.is
  Jón Geir Sigurbjörnsson, jgs@hi.is

Þau munu úthluta æfingatímum og stjórna keppnistíma og rásröð keppenda í keppninni sjálfri, einnig munu þau sjá um stigagjöf.

Dómnefnd  er skipuð þeim 

• Hrafni Ingimundarsyni vélfræðingi frá Barnasmiðjunni

• Sigurði Brynjólfssyni deildarforseta verkfræðideildar HÍ.

• Tómasi Rasmus nýsköpunarkennara

Þeir munu dæma um öll vafaatriði sem upp kunna að koma og úrskurða

sigurvegara í hvorum flokki fyrir sig.

Undirbúningsnefndin.

TR. 07.11.2002