Upphaf þessarar keppni má rekja til hugmyndar sem fæddist hjá þeim Stefanía G. Kristinsdóttir hjá Rannsóknaþjónustu Háskóla Íslands og Elínar Ágústsdóttur hjá Barnasmiðjunni.

Þeim datt í hug að tengja saman notkun á Lego í grunnskólum og hönnun.

Tómas Rasmus kom síðan að þessari hugmyndavinnu með þeim Stefaníu og Elínu og urðu þau sammála um að tengja vel þekkta hugmynd um hönnunarkeppni þ.a.e.s. hönnunarkeppni Vélaverkfræðinema við notkun á lego í nýsköpun hjá grunnskólum. Sett yrði í gang samkeppni milli grunnskóla í tengslum við Vísindadaga HÍ. 2002.

Þá var stofnaður undirbúningshópur sem var skipaður þannig:

• Sigurður Brynjólfsson deildarstjóri Vélaverkfræðideildar HÍ
• Stefanía G. Kristinsdóttir Rannsóknaþjónustu HÍ
• Elín Ágústsdóttir framkvæmdastjóri Barnasmiðjunnar
• Hrafn Ingimundarson vélfræðingur og hönnuður frá Barnasmiðjunni
• Tómas Rasmus nýsköpunarkennari í Salaskóla og stjórnandi Rasmus.is

Hópurinn hélt nokkra fundi um málið og fól þeim Tómasi og Hrafni að hanna þá þraut sem keppendur ættu að leysa.  Hrafn Ingimundason smíðaði síðan líkan af þrautinni sem verður afhjúpað á keppnisdaginn sunnudaginn 10.11.2002  kl: 10.11

T.R. 4.11.2002