Póstforritið í Netscape.     © júní 1999 Tómas Rasmus

Hér skulum við skoða betur hnappana á skipanalínunni, þú velur þér hnappa úr töflunni hér fyrir neðan og ýtir á þá til að sjá hvernig þeir virka.

  Ef þú velur þennan "Get Msg", þá opnast fyrir póst til þín og þú þarft að svara með þínu sérstaka lykilorði til að komast lengra.

 Ef þú átt póst þá kemur fram feitletrið lína fyrir neðan "inbox" svæðið, þú smellir bendlinum á þessa línu og pósturinn opnast til lestrar.

  Þessi hnappur er til þess að skapa nýjan póst. Þú smellir á hnappinn og forritið sem meðtekur póst til sendingar opnast. Það eina sem þú þarft að gera er að velja póstfang (e-mail) viðtakanda. Það setur þú í svæðið To: síðan þarf að fylla út í svæðið subject með einhverju lýsandi hugtaki. Að lokum skráir þú inn þann texta sem þú vilt senda.

  Þessi hnappur er notaður til þess að svara skilaboðum og pósti á nokkuð sjálfvirkan hátt. Um leið og skilaboð hafa verið valin er ýtt á þennan takka, þá fyllast svæðin "To:" og "Subject" með þeim gildum sem tilheyra þ.a.e.s "To:" fær innihaldið póstfang (e-mail) þess sem sendi þer bréfið og "Subject" fær sama innihaldið og í bréfinu sem verið er að svara að viðbættu forskeytinu "Re:". Þú kemst síðan í textaham og getur unnið með frumbréfið og skotið inn þínum texta milli lína ef þú kærir þig um.

Til að koma síðan svarinu á framfæri þarft þú aðeins að smella á "Send" hnappinn. 

  Áfram hnappurinn er notaður til þess að senda bréf sem þú hefur meðtekið til þriðja aðila. Hér þarf að velja póstfang (e-mail) þriðja aðila og smella svo með músarbendlinum á "Send" hnappinn og afrit af bréfinu fer í heilu lagi til móttakanda.

  Þessi hnappur er ætlaður til þess að flokka skilaboð. Margir flokka póstinn sinn jafnóðum og hann berst eftir efnisinnihaldi eða sendanda. Sumir flokka ekki neitt og nota því þennan hnapp sjaldan. 

  Þessi hnappur er notaður til þess að skoða ólesinn / óopnaðan póst, honum er þá flett eftir innihaldslýsingum "Subject" fram og til baka.

  Prentarahnappurinn er notaður hér eins og í flestum öðrum tilfellum til að skrifa beint út á prentarann sem er skilgreindur sem sjálfgefinn prentari í þínu umhverfi. Þú getur valið um að prenta lárétt og lóðrétt osfrv.

  Þessi hnappur er ætlaður til að eyða þeim skilaboðum sem eru virk á hverjum tíma. Ef þú hefur valið línu í t.d Inbox möppunni og ýtir á þennan hnapp þá eyðast viðkomadi skilboð út úr viðkomandi pósthólfi og fara yfir í hólfið "Trash".