Excel verkefni 1.5 (exv01

Unnið er með reikniaðgerðir sem algengar eru við úrvinnslu á talnasafni.

Skráðu inn eftirfarandi gildi, sem sýna nemendur í 9 bekk í Stóraskóla sem er mjög frægur kvennaskóli.

Þú feitletrar fyrirsagnir og notar "Times new roman" leturgerð, notaðu stafstærð 12 á fyrirsagnir.

Þú breikkar nafnadálkinn (dálk B) með "Format Column width" í 15. Þú mjókkar dálkinn með númerunum (dálk A) með "Format Column width" í 4,4 og hafðu dálkinn með hæðarmælingunum ( dálk C) með breiddina 5.

Að lokum setur þú inn sterkar útlínur á reitina með "borders" veldu svarta rúðunetið.

Fylgdu nú fyrirmælunum hér að ofan. Þú blokkar töfluna án þess að taka fyrrisagnirnar með og velur skipunina "Data" hakar síðan við skrunlínuna í "Sort by" og leitar að fyrisögnini Hæð. Nú velur þú vaxandi röð eða Ascending ( lægstu gildin fyrst og hæstu gildin síðast).

Þá lítur taflan svona út röðin hefur breyst Júlína er núna efst á listanum og Elísabet neðst. Nemendurnir hafa raðast upp eftir stærð. Ath. það er mikilvægt að blokka alla töfluna áður en þú raðar til þess að viðeigandi merkingar á gildum haldi sér. Ef þú hefðir aðeins valið blokkun á reitunum frá C3 til og með C11 hefðu mæliniðurstöðurnar dottið úr samhengi við þau fyrirbæri sem við mældum. Manneskja númer 1 sem var fremst í stafrófinu hefði fengið hæðina 155 sem á við mannsekju númer 6 o.s.frv.

Smelltu þér nú í reit C13 og ritaðu inn formúluna =AVERAGE(C3:C11) og ýttu á "Enter" takkann.

Farðu síðan aftur í reit C13 og prófaðu að fjölga aukastöfum í reit C13 með því að smella nokkrum sinnum á hnappinn fyrir fjölgun aukastafa.

þá kemur skrítið tilfelli í ljós. Reiturinn er svo þröngur að hann getur ekki sýnt niðurstöðuna með öllum þeim aukastöfum sem koma til greina. Þú verður að fækka aukastöfum í reit C13 til þess að sjá eitthvað annað en þessi myllutákn.

Þú músar í hnappinn sem fækkar aukastöfum og smellir á hann þangað til aðeisn einn aukastafur er sýndur.

Þetta er einnig hægt með því að fara í "Format".

Velja síðan "Format Cells" og velja "Number" og setja einn aukastaf,

"Decimal places" velja þar töluna 1.

Þá sjáum við hið raunverulega gildi í reit C13 eða töluna 163,6 sem er meðaltal talnanna í dálk C. Þú veist væntanlega að meðaltal mælinga fæst með því að leggja þær allar saman og deila í með fjölda þeirra.

Þannig er formúlan " =AVERAGE(C3:C11)" jafngild formúlunni "=SUM(C3:C11)/9" eða summan deilt með fjöldanum.

Nú smellir þú í reit C15 og ritar formúluna =MAX(C3:C11). Tölvan leitar nú að því gildi sem er hæst í talnasafninu sem þú valdir. Niðurstaðan fer í reit C15.

Nú smellir þú í reit C17 og ritar formúluna =MIN(C3:C11). Tölvan leitar nú að því gildi sem er lægst í talnasafninu sem þú valdir. Niðurstaðan fer í reit C17.

Nú smellir þú í reit C19 og ritar formúluna =MEDIAN(C3:C11). Tölvan leitar nú að því gildi sem er staðsett í miðri röðinni. Þú serð ef þú skoðar töfluna að tölurnar eru 9. Þegar þú ert búin(n) að raða þeim í vaxandi röð minnstu fyrst og stærstu síðast þá er að leita að tölunni sem er í miðjunni en það er talan sem er fimmta talan í röðinni ( Ragnhildur manneskja númer 9 en með hæðargildi númer 5 ).

Á undan tölunni hennar Ragnhildar eru 4 tölur og einnig 4 tölur fyrir aftan hana. Ef fjöldi talna hefði verið slétt tala t.d. 10 tölur þá hefðir þú fengið meðaltal talnanna númer 5 og 6 sem miðgildi því engin ein tala væri þá í miðjunni. Sjá nánar á Stærðfræðivefnum og í þeim kennslubókum sem þér eru ætlaðar.

Töflureiknirinn Excel er mjög öflugt reiknitæki, fjöldinn allur af reikniaðgerðum er innbyggður í Excel, ef þú vilt skoða möguleikan nánar skalt þú kíkja á hnappinn fx.


Þú músar á hnappinn fx og mikill fjöldi stærðfræðifalla kemur í ljós.	Þessi stærðfræðiföll eru flokkuð eftir ýmsum greinum og verður kíkt á þau í seinni köflum þessa kennsluefnis. Hér fyrir ofan sérð þú t.d. meðaltalsfallið ( Average) undir flokknum tölfræði (Statisical).

Mældu nú hæðina á öllum nemendum í þínum bekk og settu upp í töflu líkt og gert var í þessu verkefni. Æfðu jafnframt notkun á þeim aðferðum sem hér voru kynntar.